İran PUA-ları ilə zərbə endirdilər - Hamısı məhv edildi

Rusiya ordusu gecə saatlarında Ukrayna ərazisinə “Şahid” tipli hücum PUA-ları (İran istehsalı) və X-59 idarəolunan raketləri ilə zərbələr endirib.

Teleqraf.com xəbər verir ki, bu barədə Ukrayna Hərbi Hava Qüvvələri məlumat yayıb.

X-59 döyüş təyyarəsindən Zaporoje vilayətinin işğal edilmiş ərazilərindən, “Şahid”lər isə şərq istiqamətindən - Primorsk-Axtarskdan buraxılıb.

Rusiyanın bütün 14 hava hədəfi Nikolayev, Xerson, Kirovoqrad, Çerkassı, Jitomir, Xmelnitski və Dnepropetrovsk vilayətlərində zenit müdafiəsi ilə məhv edilib.

Hava hücumunun dəf edilməsinə Ukraynanın döyüş təyyarələri, zenit-raket qoşunları, Hərbi Hava Qüvvələri və Müdafiə Qüvvələrinin mobil atəş qruplarının bölmələri cəlb olunub.