Təlim zamanı təhlükəli olay - Qitələrarası raket hədəfdən yayındı

ABŞ ordusu Sakit okean üzərində “Minuteman III” qitələrarası ballistik raketini partladıb. Qərar sınaqlar zamanı baş verən anomaliyaya görə verilib.

Teleqraf.com xəbər verir ki, bu barədə ABŞ Hərbi Hava Qüvvələri məlumat yayıb.

Raketin buraxılışı Kaliforniya ştatında yerləşən bu bazadan həyata keçirilib.

“Noyabrın 1-də Kaliforniyadakı Vandenberq kosmik qüvvələr bazasından sınaq buraxılışı zamanı baş verən anomaliyaya görə “Minuteman III” raketi Sakit okean üzərində məhv edilib”, - məlumatda deyilir.

Anomaliya sınaq zamanı gözlənilmədən baş verən hər hansı hadisədir. Bu cür anomaliyalar müxtəlif amillərə görə baş verə biləcəyi üçün uğursuzluğun səbəbini müəyyən etmək üçün əlavə təhlil tələb olunacaq.

Nasazlığın səbəblərini öyrənmək üçün xüsusi komissiya yaradılır.