ABŞ-la Qətər arasında kritik Qəzza müzakirəsi

ABŞ və Qətər Qəzza zolağına yardımın çatdırılmasını və bəzi girovların azad edilməsini təmin etmək üçün üç günə qədər humanitar fasilə elan etmək ehtimalı barədə İsraillə danışıqlar aparır.

Teleqraf.com-un məlumatına görə, Qətər vasitəçi kimi çıxış edir və bir neçə həftədir ki, HƏMAS-la humanitar fasilə ilə bağlı danışıqlar aparır.

İsrail atəşkəslə razılaşmadan əvvəl bütün HƏMAS girovlarının azad edilməsi şərtini irəli sürüb. Bununla belə, ərəb rəsmiləri ümidvar olduqlarını bildiriblər ki, kompromis əldə oluna və hələ də razılığa gəlinə bilər.