29 Noyabr 2023 10:39
1 062
12 Punto 14 Punto 16 Punto 18 Punto

NATO-ya üzv ölkələr Ukraynanın sürətli üzvlüyü məsələsində fikir ayrılıqlarını aradan qaldırmayıblar. ABŞ və Almaniya buna qarşı çıxır, prosesin siyasi mülahizələrlə yox, şərtlərlə müəyyən olunmasını istəyirlər.

Teleqraf.com xəbər verir ki, bu barədə “Euractiv” rəsmi mənbələrə istinadla yazır.

Nəşr qeyd edir ki, üzvlər Ukraynanın yenilənmiş İllik Milli Proqramında qeyd olunan islahatların üzvlük üçün şərt olub-olmaması və ya Kiyevi alyansa yaxınlaşdırmaq üçün alət olub-olmaması barədə hələ razılaşmayıb. Bu o deməkdir ki, NATO-nun Ukrayna ilə razılaşdığı islahatların həyata keçirilməsi şərtləri yerinə yetirildikdə üzvlük məsələsini müzakirə etmək mümkün olacaq.

Nəşrin mənbəsi deyib ki, islahat proqramında şərtlər siyahısı yoxdur. Məlumatda qeyd olunur ki, islahat sahələrinin göstərilməsi, sadəcə manevr üçün yer buraxır. Buna görə də, islahatların heç vaxt kifayət etməyəcəyi riski var, bu, Ukraynanın NATO-ya daxil olmaq yolunu çətinləşdirəcək.

NATO nümayəndəsi sayta bildirib ki, hətta sabah Rusiya ilə müharibə başa çatsa və Kiyev islahat planında göstərilən bütün şərtləri yerinə yetirsə belə, bu, asan olmaya bilər.


Müəllif: Mənsur Rəğbətoğlu