Rus ordusu o iki şəhəri tutmaq istəyir - 89 hücumu dəf edildi

Son 24 saat ərzində cəbhədə 89 toqquşma baş verib, bunlardan 30-u Avdiv, 24-ü Baxmut istiqamətində qeydə alınıb.

Teleqraf.com xəbər verir ki, bu barədə Ukrayna ordusunun Baş Qərargahı məlumat yayıb.

Ukrayna qüvvələri Kupyan istiqamətində Sinkivkada Rusiyanın 7 hücumunu dəf edib. Rusların Liman istiqamətində Terna qəsəbəsinə hücum cəhdləri də nəticəsiz bitib.

Ukrayna ordusu Baxmut istiqamətində Boqdanivka, İvanovsk, Klişçivka və Andrivka rayonlarında Rusiya qoşunlarının 24 hücumunun qarşısını alıb.

Ukraynanın müdafiə qüvvələri Baxmutun cənubunda hücumlarını davam etdirir.

Ukrayna ordusu Avdiv istiqamətində şəhəri mühasirəyə almaq cəhdlərindən əl çəkməyən Rusiyaya qarşı uğurla müqavimət göstərir. Müdafiə möhkəm saxlanılır. Ukrayna müdafiə qüvvələri Novobaxmutivkanın şərqində, Avdiv və Tonenkonun cənubunda və Pervomayskda qarşı tərəfin 30 hücumunu dəf edib.

Ukraynalılar Marin və Novomixaylivkada da rusları dayandırmağa çalışırlar. Burada 14 hücumun qarşısı alınıb.

Zaporoje vilayətinin Verbovoy və Robotin qəsəbələrində Rusiyanın 8 hücumu dəf edilib.

Xerson istiqamətində Dnepr çayının sol sahilində mövqe döyüşləri gedir. Ukrayna ordusu yeni azad etdiyi mövqeləri özündə saxlayır.