Blinkenlə Fidan Vaşinqtonda nələri müzakirə etdi?

Vaşinqtonda ABŞ Dövlət katibi Entoni Blinkenlə Türkiyənin xarici işlər naziri Hakan Fidan görüşüb.

Teleqraf.com xəbər verir ki, bu barədə Dövlət Departamentinin sözçüsü Metyu Millerin adından yayımlanan açıqlamada bildirilir.

Qeyd olunur ki, Blinken və Fidan İsrail-Həmas münaqişəsini müzakirə edərək, problemin regionda geniş yayılmaması üçün görüləcək səylər barədə danışıblar. Onlar münaqişənin qarşısının alınmasının zəruriliyini vurğulayıb, girovların azad edilməsi və humanitar yardımın göstərilməsinə diqqət çəkiblər.

Blinken həmçinin İsveçin NATO-ya üzvlüyünün təxirə salınmadan ratifikasiya edilməsinin vacibliyini də vurğulayıb.