Ölkə liderindən SSRİ iddiası: “Putin başlayıb, bərpa edir”

Ukraynaya yeni hərbi yardım proqramı ilə bağlı ABŞ Konqresindəki siyasi qarşıdurma Vladimir Putin və onun əlaltılarını ruhlandırır.

Teleqraf.com xəbər verir ki, bunu ABŞ-da səfərdə olan Ukrayna Prezidenti Vladimir Zelenski deyib.

“İcazə verin, sizinlə səmimi danışım, Kapitolidəki (Konqres) problemlərdən ruhlananlar varsa, onlar yalnız Putin və onun xəstə qruplaşmasıdır”, - Ukrayna lideri bildirib.

Zelenski iddia edir ki, Rusiya lideri Vladimir Putin SSRİ-ni parça-parça bərpa etməyə çalışır və buna Ukraynadan başlayıb.