“Çox pisdir, təxribat olacaq...” - Lukaşenko

Baltikyanı ölkələr Belarusa qarşı təxribatlar üçün xüsusi dəstələr hazırlayırlar.

Teleqraf.com xəbər verir ki, bunu Belarus Prezidenti Aleksandr Lukaşenko deyib.

Ölkə lideri bu açıqlamanı 2024-cü il üçün dövlət sərhədinin mühafizəsi ilə bağlı qərarların təsdiqlənməsi ilə bağlı danışarkən verib.

Onun sözlərinə görə, bu qərarlar xüsusi vəziyyətlə əlaqədar zəruridir.

“Cənubda (Rusiya-Ukrayna müharibəsi), qərbdə - Polşa, Litva, Baltikyanı ölkələrdə müharibə gedir, bu, çox pisdir. Bir daha vurğulayıram: çox pisdir. Orada müvafiq dəstələr hazırlanır, hərbi komandirlər müəyyənləşib”, - Lukaşenko bildirib.