Poroşenko Bakıya gələcək

Ukrayna prezidenti Azərbaycanı bu il ziyarət edəcək

Ukrayna prezidenti Pyotr Poroşenko bu il ərzində Azərbaycana rəsmi səfərə gəlməyi planlaşdırır. Bu barədə Ukraynanın Azərbaycandakı səfiri Aleksandr Mişenko bildirib. Diplomat "İnterfaks-Azərbaycan" agentliyinə deyib ki, bu il üçün çoxsayda səfər proqramları hazırlayırıq. Bu planda əsas yeri Ukrayna prezidenti Pyotr Poroşenkonun səfəri tutur.

A.Mişenko vurğulayıb ki, bu il Ukrayna parlamenti sədrinin və Azərbaycanın xarici işlər nazirinin qarşılıqlı səfərləri də nəzərdə tutulub.