"Rusiya təyyarələrinin məhvində Ukraynanı dəstəkləyəcəyik" - Stoltenberq

NATO Ukrayna hava məkanında Rusiya təyyarələrinin və raketlərinin vurulmasında iştirak etməyəcək.

Teleqraf.com xəbər verir ki, bunu NATO-nun baş katibi Yens Stoltenberq Ukraynanın “TSN” telekanalında deyib.

“NATO-nun siyasəti dəyişməz olaraq qalır - biz bu münaqişədə iştirak etməyəcəyik. Biz Rusiya təyyarələrinin məhv edilməsində Ukraynanı dəstəkləyəcəyik, lakin NATO bunda birbaşa iştirak etməyəcək”, - Stoltenberq bildirib.

NATO-nun baş katibi onu da vurğulayıb ki, alyans Kiyevə hərbi yardım göstərməyə, o cümlədən ölkənin hava hücumundan müdafiəsini gücləndirməyə davam edəcək.