Qaemi qasırğası bu bölgələri viran qoydu

Qaemi qasırğası Çinə çatıb, Tayvan və Filippində geniş dağıntılar törədib.

Teleqraf.com xarici mətbuata istinadən məlumat yayıb.

Bildirilir ki, Tayvanda torpaq sürüşməsi və daşqınlar qeydə alınıb, nəticədə 3 nəfər ölüb.

Filippində isə qurbanların sayı artıq 22-yə çatıb. Filippinin paytaxtı Manilada yağışlar daşqınlara səbəb olub. Bəzi ərazilərdə suyun səviyyəsi birmərtəbəli binaların hündürlüyünə qədər qalxıb.

Tayvanda ən azı dörd bölgəyə 14 saat ərzində 1000 mm-dən çox yağış düşüb.

Çinin cənub-şərqində 200-300 mm yağıntının düşəcəyi və iki-üç gün ərzində Qaemi qasırğasının zəifləyəcəyi gözlənilir.