Şahmat taxtasına civə töküb rəqibini zəhərlədi - Ölkə şokda

Rusiyalı şahmatçı Amina Abakarova oyun taxtasına civə tökərək rəqibini zəhərləyib.

Teleqraf.com xəbər verir ki, ortaya çıxan görüntülər bir anda bütün dünyada trendə çevrilib.

Rusiya mediasında yer alan xəbərlərə görə, turnir başlayandan sonra Abakarovanın rəqibi Umayqanat Osmanovanın vəziyyəti pisləşərək xəstəxanaya yerləşdirilib.

Daha sonra səlahiyyətlilər kamera görüntülərini araşdırıb və müəyyən ediblər ki, Abakarova rəqibini zəhərləmək üçün oyun taxtasının üzərinə civə töküb.

Rusiya Şahmat Federasiyasından verilən açıqlamada Mahaçqalada keçirilən turnirdə rəqibini zəhərləməyə cəhd edən Abakarovanın müvəqqəti olaraq milli yarışlardan kənarlaşdırıldığı açıqlanıb.

Məhkəmə araşdırması yekunlaşdıqdan sonra Abakarova ömürlük qadağa qoyula bilər.