İran məni və həyat yoldaşımı öldürməyə cəhd etməklə...- Netahyahu sərt danışdı

İsrailin baş naziri Benyamin Netanyahu X sosial şəbəkəsində “İranın agentlərini” Qeysəriyyə yaxınlığında hücumu zamanı onu və həyat yoldaşını öldürməyə cəhddə ittiham edib.

Teleqraf.com xəbər verir ki, Netahyahunun sözlərinə görə, ona sui-qəsd etmək istəyənlər “acı səhvə” yol veriblər.

“Bu, məni və İsrail dövlətini nəsillər boyu təhlükəsizliyimizi təmin etmək üçün düşmənlərimizə qarşı müharibəni davam etdirməkdən çəkindirməyəcək”, - Netanyahu yazıb.

O, Müdafiə Qüvvələrinin məqsədlərinə çatacağını, ölkənin Qəzza zolağından bütün girovları geri qaytaracağını deyərək, əlavə edib:

"İsrail vətəndaşlarına zərər verən hər kəs bunun üçün ağır bədəl ödəyəcək".