BMT baş katibindən Nemtsovun ölümünə münasibət

BMT baş katibi Pan Qi Mun rusiyalı müxalifətçi Boris Nemtsovun qətlindən şokda olduğunu və cinayətkarların məsuliyyətə cəlb olunacağına ümid etdiyini bildirib. Teleqraf.com-un “RİA Novosti”yə istinadən məlumatına görə, bu barədə təşkilatın mətbuat xidmətindən bildirilib.

“Baş katib Boris Nemtsovun fevralın 27-də Moskvada amansızcasına qətlə yetirilməsi xəbərindən şokdadır və kədər hissi keçirir. Baş katib qətlin istintaqının başlandığını qeyd edir və cinayətkarların məsuliyyətə cəlb olunacağına ümid edir”, deyə məlumatda qeyd edilir.