Obama yəhudilərə meydan oxudu

ABŞ prezidenti Barak Obama Konqresdə İranla əldə olunan nüvə razılaşmasının səsvrmə zamanı qəbul edilməməsi üçün çalışan Amerika-İsrail İctimai Əlaqələr Komitəsini (AİPAC) sərt şəkildə tənqid edib.

Obama ABŞ prezidentləri arasında ilk dövlət başçısıdır ki, sözügedən Komitəni tənqid edir.

Təsadüfi deyil ki, İranla nüvə razılaşmasından sonra ABŞ və İsrail arasında münasibətlərə getdikcə pisləşir. Obama bu həftə Komitənin iki idarə edcisini Ağ Evə çağıraraq onları hədələyib.

Obama AİPAC-i nüvə razılaşmasına qarşı milyonlarla pul xərcləmək və həqiqətdən uzaq iddialar yaymaqda ittiham edib.


ABŞ Konqresi

Səhəri günü isə prezident Amerika Umiversitetində çıxışı zamanı bildirib ki, nüvə razılaşmasına qarşı çıxanlar ABŞ-ı İraq müharibəsinə sövq etmək üçün milyonlarla dollar xərcləmiş lobbilərdir.

New York Times qəzeti yazır ki, bundan əvvəl Ronald Reyqan, Corc Buşun da AİPAC-lə problemləri olub. Lakin bu günə qədər heç bir prezident ən güclü lobbilərdən olan AİPAC-ə belə meydan oxumayıb.

AİPAC silah lobbisindən sonra ABŞ-da ən güclü lobbi hesab edilir. Komitənin nüvə razılaşmasına qarşı artıq 20 milyon dollar xərclədiyi, bundan başqa razılaşma əleyhinə elan və reklamlara isə daha 25 milyon ayırdığı bildirilir.

Ötən ay İranın nüvə proqramı üzrə “altılıq” ölkələri ilə aparılan danışıqlarda razılıq əldə olunub. İranla "altılıq" ölkələri arasında razılığın əldə olunması rəsmi Tehrana qarşı tətbiq edilən sanksiyaların ortadan qaldırılması deməkdir.

İranın nüvə proqramı ilə bağlı razılaşmanın imzalanması İsrailin baş naziri Benyamin Netanyahunu hiddətləndirmişdi. O bunu "tarixi səhv" adlandırmışdı./ans press/