Donbasda mina partladı: 2 ölü, 5 yaralı

Donbasda mina partlaması nəticəsində 2 Ukrayna əsgəri həlak olub. 5-i yaralanıb.

Ukrayna ordusunun sözçüsü Andrey Lysenkonun sözlərinə görə, rusyapərəst separatçılar ötən gün atəşkəs rejimini 1 dəfə pozublar. Bu insident Lozovoe qəsəbəsində qeydə alınıb.
Onun sözlərinə görə qalan ərazilərdə sakitlik olub.

Ötən ilin aprelindən bu yana Ukraynanın şərqində gedən döyüşlərdə 6 mindən çox adam ölüb.

Tərəflər bu ilin fevralında Minskdə atəşkəs sazişi imzalasalar da vaxtaşırı Ukraynanın şərqində toqquşmalar müşahidə olunurdu. Amma son həftələrdə demək olar ki, atəşkəs rejiminə əməl olunur.