26 Fevral 2016 14:15
391

Rusiya və ABŞ BMT Təhlükəsizlik Şurasına Suriyada atəşin dayandırılması ilə bağlı birgə qətnamə layihəsi təqdim edib.

Teleqraf.com xarici mediaya istinadən xəbər verir ki, bununla bağlı Venesuelanın BMT-dəki xüsusi nümayəndəsi Rafael Ramires məlumat verib. Onun sözlərinə görə, qətnaməyə əsasən, atəşkəs fevralın 27-də Dəməşq vaxtı ilə saat 00:00-da elan ediləcək.

Sənəd fevralın 22-də ABŞ və Rusiya arasında əldə edilən razılıq əsasında hazırlanıb.

Məlumatlara görə, rəsmi Dəməşq və müxalifət də ölkədə hərbi əməliyyatların dayandırılması üçün birgə bəyanatla çıxış edib.

Samir


Müəllif: