MDB XİN Şurasının iclasının vaxtı bəlli oldu

MDB Xarici İşlər Nazirləri (XİN) Şurasının növbəti iclası aprelin 7-də Daşkənddə keçiriləcək.

Teleqraf.com təşkilatın İcraiyyə Komitəsinə istinadən xəbər verir ki, iclasda MDB ölkələrinin xarici siyasət idarələrinin rəhbərləri Birlik formatında hərtərəfli qarşılıqlı fəaliyyət məsələlərini, MDB məkanında əməkdaşlığın möhkəmləndirilməsi üzrə praktiki tədbirləri və təşkilatın regional və beynəlxalq rolunun artırılmasını müzakirə edəcəklər.

XİN rəhbərləri mütəşəkkil cinayətkarlıqla mübarizənin əlaqələndirilməsi və MDB-nin xarici sərhədlərində böhran vəziyyətlərinin nizamlanması məsələlərinə baxacaqlar.