Gəncədə zəncirvari qəza: Dörd avtomobil toqquşdu/Foto/Video

Gəncə şəhərində zəncirvari qəza hadisəsi baş verib.

Teleqraf.com-un Gəncə bürosu xəbər verir ki, hadisə şəhərin Nəriman Nərimanov prospektində qeydə alınıb.

İlkin məlumata görə, hadisə zamanı "Mercedes", "VAZ 2107", "VAZ 21015" və "NAZ LİFAN" markalı avtomobillər toqquşub. Qəza nəticəsində xəsarət alan olmasa da, avtomobillərə ciddi ziyan dəyib.

Hadisə yerinə Gəncə Dövlət Yol Polisi İdarəsinin əməkdaşları cəlb olunub.

Faktla bağlı araşdırma başlanılıb.