24 İyun 2019 12:40
1 397
12 Punto 14 Punto 16 Punto 18 Punto

Salyan rayonunda polis qadının çayda boğulmasının qarşısını alıb.

Daxili İşlər Nazirliyinin mətbuat xidmətinin Şirvan regional qrupundan Teleqraf.com-a verilən məlumata görə, hadisə iyunun 24-də Salyan rayonunun Aşağı Kürkəndi kəndi ərazisində baş verib.

Həmin ərazidə xidmət aparan Salyan Rayon Polis Şöbəsinin Post Patrul Xidmətin əməkdaşı, polis serjantı Rafail Quliyev Kür çayı sahilində, xidmətdə olarkən ətrafı müşahidə edib. Körpünü nəzərdən keçirərkən bir qadının oradan suya düşdüyünü və köməksiz vəziyyətdə olduğunu görüb.

Tez özünü həmin yerə çatdıran polis əməkdaşı çayın gur axınında boğulmaqda olan qadını sudan təhlükəsiz yerə çıxarıb. Onu kritik vəziyyətdən çıxarmaq üçün dərhal Təcili Tibbi Yardım çağırıb. Hadisə yerinə gələn həkimlər həmin qadına lazımi tibbi yardım göstəriblər.


Müəllif: Hacı Zeynalov