Bakıda qadın üç nəfərin hücumuna məruz qaldı

Bakının Yasamal rayonunda quldurluq hadisəsi baş verib.

Teleqraf.com xəbər verir ki, aprelin 18-də saat 1 radələrində Yasamal rayonu ərazisində 3 nəfərin Bakı şəhər sakini T.Məmmədova bıçaqla xəsarət yetirərək mobil telefonunu quldurluq yolu ilə talanmaları barədə polisə məlumat daxil olub.

Yasamal rayon Polis İdarəsinin 26-cı polis bölməsi əməkdaşlarının keçirdikləri əməliyyat tədbiri nəticəsində quldurluq əməlində şübhəli bilinən Bakı şəhər sakinləri Mirzə Hüseynov, Fərid Elayev və Əli İbrahimzadə müəyyən olunaraq saxlanılıblar.

M.Hüseynovun borclu şəxs qismində axtarışda olması da müəyyən olunub.

Yasamal rayon Polis İdarəsində araşdırma aparılır.