2023-cü ildə ən çox maaş alan futbolçu məlum oldu

Səudiyyə Ərəbistanının “Əl-Nəsr” klubunun portuqaliyalı hücumçusu Kriştianu Ronaldu 2023-cü ildə dünyanın ən çox maaş alan futbolçuları siyahısında birinci yeri tutub.

Teleqraf.com xəbər verir ki, “Forbes”ə görə, portuqaliyalı futbolçu 2023-cü ildə 260 milyon dollar qazanıb. Bunun 200 milyon dolları onun maaşı və bonuslarının payına düşüb, 60 milyon dollar isə sponsorluq müqavilələrindən əldə edilib.

Ən çox maaş alan futbolçular siyahısında ikinci yerdə 135 milyon dollarla “İnter Mayami”nin hücumçusu Lionel Messi, üçüncü yerdə isə 112 milyon dollarla “Əl-Hilal”ın hücumçusu Neymar qərarlaşıb.