Ronaldo mükafatlandırma mərasiminə qatılmadı

Səudiyyə Ərəbistanı Superkubokunda “Əl-Hilal”a 1:4 hesabı ilə məğlub olan “Əl-Nəsr”in hücumçusu Kriştiano Ronaldo mükafatlandırma mərasimində iştirak etməyib.

Teleqraf.com xəbər verir ki, bu barədə “Essentially Sports” məlumat yayıb.

Ronaldo final fitindən dərhal sonra meydanı tərk edib və mükafatlandırma mərasiminə qayıtmayıb.

Qeyd edək ki, Superkubok matçında portuqaliyalı hücumçu 1 qol vurub.

Xatırladaq ki, 39 yaşlı Ronaldo 2023-cü ilin yanvarından Səudiyyə Ərəbistanının “Əl-Nəsr” klubunda çıxış edir. 2023/2024 mövsümündə o, bütün turnirlərdə 45 oyuna çıxıb, 44 qol vurub, 13 məhsuldar ötürmə edib. Həmçinin forvard Səudiyyə Ərəbistanı Pro Liqasında 35 qol vurub.