24 Noyabr 2014 15:44
601

Hesablama Palatasının keçirilən Kollegiya iclasında dövlət büdcəsinin dövlət əsaslı vəsait qoyuluşu və ehtiyat fondlarından bir neçə quruma ayrılan vəsaitlər barədə qərar qəbul edilib.

Teleqraf.com-un məlumatına görə, iclasda Gədəbəy rayon İcra Hakimiyyətinə və Şirvan Şəhər İcra Hakimiyyətinə ayrılan vəsaitlərin istifadəsinə dair audit tədbirlərinin nəticələri barədə Hesabat və Rəylər geniş müzakirə olunaraq müvafiq qərarlar qəbul edilib.

Müvafiq zəruri tədbirlərin görülməsi və nəticələri barədə Hesablama Palatasına məlumatların verilməsi üçün Kollegiya Qərarının aidiyyəti dövlət qurumlarına göndərilməsi və audit tədbirinin nəticələri barədə məlumatın Milli Məclisə təqdim olunması qərara alınıb.

Kollegiyada, eyni zamanda, dövlət büdcəsindən Abşeron rayon Təhsil şöbəsinə ayrılmış vəsaitlərin proqnozlaşdırılması və icrasına, dövlət büdcəsindən Azərbaycan Respublikasının Mərakeş Krallığındakı Səfirliyinin saxlanılmasına ayrılan vəsaitlərin istifadəsinə və dövlət rüsumlarının hesablanılmasına dair proqram təsdiqlənib.

Dövlət büdcəsinin dövlət əsaslı vəsait qoyuluşu və ehtiyat fondlarından Goranboy İcra Hakimiyyətinə ayrılan vəsaitlərin istifadəsinə, həmçinin Azərbaycan Respublikası Dövlət Sosial Müdafiə Fondunun Xətai rayon şöbəsi üzrə gəlir və xərclərin və şöbənin saxlanılması xərclərinin icrasına dair Audit proqramları da təsdiq edilib.

Naibə QURBANOVA


Müəllif:
Загрузка...