18 Avqust 14:04
257
12 Punto 14 Punto 16 Punto 18 Punto

Azərbaycan Prezidenti İlham Əliyev Monqolustana səfərə dəvət olunub.

Teleqraf.com xəbər verir ki, bu barədə Monqolustanın Azərbaycana yeni təyin olunan fövqəladə və səlahiyyətli səfiri Munxbayar Qombosuren avqustun 18-də Prezident İlham Əliyevə etimadnaməsini təqdim edən zaman bildirib.

Q.Munxbayar son illərdə, xüsusilə 2018-ci ildə Monqolustan Prezidentinin Azərbaycana səfərindən sonra ikitərəfli əlaqələrin fəal şəkildə inkişaf etdirildiyini deyib. Səfir bu il ölkələrimiz arasında diplomatik münasibətlərin qurulmasının otuz illiyinin qeyd olunduğunu vurğulayaraq Monqolustan Prezidentinin Azərbaycan Prezidentinə onun üçün münasib vaxtda ölkəsinə səfərə dəvətini çatdırıb.

Prezident İlham Əliyev dəvəti minnətdarlıqla qəbul edib.


Müəllif: Teleqraf.com