Parlament İlham Əliyev və Mehriban Əliyevaya təbrik məktubu ünvanlayacaq

Gündəliyin birinci məsələsi 8 Noyabr − Zəfər Günü ilə əlaqədardır.

Teleqraf.com xəbər verir ki, bunu Milli Məclisin bugünkü iclasında spiker Sahibə Qafarova deyib.

O bildirib ki, Azərbaycan BMT və digər beynəlxalq qurumların qəbul etdiyi qətnamələri öz gücü ilə həyata keçirərək bölgəyə sülh gətirib.

Sahibə Qafarova qeyd edib ki, Zəfər Günü Azərbaycan Prezidenti İlham Əliyevin hərbi sərkərdə kimi uzaqgörənliyinin, Azərbaycan ordusunun gücünü göstərib.

Spiker təklif edib ki, Zəfər Günü ilə əlaqədar Azərbaycan Prezidenti İlham Əliyevə və Birinci vitse-prezident Mehriban Əliyevaya parlamentin adından təbrik məktubu göndərilsin.