İsveç 6 saatlıq iş gününə keçir

İsveçdə iş saatı azaldılır.

Teleqraf.com "İndependent" qəzetinə istinadən xəbər verir ki, qocalar evləri, xəstəxanalar, maşın mərkəzlərində bu dəyişiklik artıq olub.

İsveç hesab edir ki, 6 saatlıq iş günü insanların əməyini daha məhsuldar, özlərini isə daha xoşbəxt edəcək.

İsveçin ikinci ən böyük şəhəri olan Gothenburgda Toyota mərkəzləri 6 saatlıq iş gününə 13 il əvvəl keçiblər. Şirkətin fikrincə, bu dövrdə mənfəət artıb, işçilər daha xoşbəxtdirlər.

İsveçdəki şirkətlərdən birinin rəhbəri olan Linus Feldt deyir ki, 8 saatlıq iş günü düşünüldüyü kimi səmərəli deyil.

Onun sözlərinə görə, “8 saat diqqətini bir işdə cəmləmək çətindir. Belə işdən sonra özəl həyatın problemlərini də yoluna qoymaq çətin olur.”