Hansı fənnin müəllimləri müsabiqədə pis nəticə göstərdi? - RƏSMİ

16-17 iyun tarixlərdə mərkəzləşmiş qaydada keçirilən müəllimlərin yerdəyişməsi müsabiqəsində elektron ərizəsi təsdiqlənmiş 2107 nəfərdən 1621 nəfəri (76.93%) imtahanda iştirak edib.

Təhsil Nazirliyindən Teleqraf.com-a verilən məlumata görə, müəllimlərin yerdəyişməsi müsabiqəsində ingilis dili, coğrafiya müəllimləri imtahanda yüksək nəticə göstəriblər.

Sözügedən müsabiqənin test mərhələsində keçid balını toplaya bilməyən müəllimlərin əksəriyyəti isə texnologiya, musiqi və fiziki tərbiyə müəllimləridir.

Hazırda müsabiqədə keçid balı toplayan müəllimlər üçün vakansiya seçimi mərhələsi keçirilir. Növbəti mərhələ müsahibə mərhələsi olacaqdır.

İlhamə ƏBÜLFƏT