Xoşbəxt Yusifzadənin adına təqaüd təsis olunacaq

Azərbaycan Dövlət Neft və Sənaye Universitetinin (ADNSU) tələbələri üçün yeni təqaüd təsis olunacaq.

Universitetdən verilən məlumata görə, bunu ADNSU-nun rektoru, professor Mustafa Babanlı cari ildə universitet qarşısında duran planlardan söz açarkən deyib.

Rektor yeni tədris ilində universitetin keçmiş məzunu Xoşbəxt Yusifzadənin adına təqaüdün təsis olunacağını diqqətə çatdırıb.

Onun sözlərinə görə, təqaüdün təsis olunmasında məqsəd əlaçı tələbələri həvəsləndirməkdir.

Xatırladaq ki, Xoşbəxt Yusifzadə hazırda SOCAR-ın vitse-prezidentidir.