Ağcabədidə partlayış və yanğın: yaralı var

Ağcabədi rayonunda yaşayış evində partlayış olub.

Teleqraf.com xəbər verir ki, hadisə rayonun Kəbirli kəndində qeydə alınıb.

Kənd sakini Xatirə Qarayeva həyətində məişətdə istifadə edilən qaz balonu ilə ehtiyatsız davrandığından partlayış baş verib və o, xəsarətlə xəstəxanaya yerləşdirilib.

Bundan başqa, Ağcabədi rayonunun Qaravəlli kəndində kənd sakini Səttar İbrahimova məxsus yardımçı təsərrüfatda yanğın baş verib, 16 baş inək tələf olub.

Hər iki faktla bağlı araşdırma aparılır.

Hacı Zeynalov