Bakıda beynəlxalq konfrans

Bu ilin oktyabrında Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunda “Azərbaycan əlyazmaları dünya kitabxanalarında” mövzusunda birinci beynəlxalq konfrans keçiriləcək.

İnstitutdan Teleqraf.com-a bildiriblər ki, tədbirin keçirilməsinin məqsədi Azərbaycan əlyazmalarını dünyada tanıtmaq və təbliğ etməkdir.

Alim və mütəxəssislərin iştirak edəcəkləri konfransda mövzu ilə bağlı məruzələr dinləniləcək, müzakirələr aparılacaq.