Azərbaycanla bağlı kitablar qırğız oxuculara elektron versiyada

Qırğızıstanda fəaliyyət göstərən turktoday.info saytında Azərbaycanla bağlı kitabların elektron versiyası yerləşdirilib. Teleqraf.com-un xəbərinə görə, bu ölkədə fəaliyyət göstərən Türkdilli dövlətlərin siyasətinə dəstək fondunun dəstəyi ilə çap olunan və ya tərcümə edilərək işıq üzü görən kitabların elektron versiyasının sözügedən sayta yerləşdirilməsinə artıq bir müddətdir ki, start verilib. Bu dəfə saytda "Prezident İlham Əliyev" kitabının I-II və III cildləri, Güntəkin Nəcəflinin "Azərbaycan XVIII-XIX əsrlər" kitabı, Bəxtiyar Vahabzadənin "Gülüstan" poeması, Bəxtiyar Tuncayın "Qafqaz Albaniyası" və s. kitabların elektron versiyası ilə oxucular tanış ola bilər.