Faiq Ağayev, Fəxrəddin Manafov, Fəzail Ağamalı "Number one" oldular - FOTOLAR

Bu gün Bakıda "Number one" mükafatlandırma mərasimi olub.

Teleqraf.com xəbər verir ki, mərasimində tanınmış simalar öz sahələrindəki xidmətlərinə görə mükafatlara layiq görülüblər. Layihənin rəhbəri teleaparıcı Tural Ozan mükafatlara layiq görülən şəxslərin səsvermə ilə müəyyən edildiyini deyib.

"Number one" adına layiq görülən xalq artisti Faiq Ağayev təşkilatçılara təşəkkür edib: "Dəyərli sənət nünayəndələrini mükafata görə təbrik edirəm. Sənət bir nağıldır. Nağıllarımızı sevək, çünki həyat nağılsız boz rəngə boyanır" .

Xalq artisti Amaliya Pənahova da mükafat alan məşhurlar sırasındadır: "Mükafata layiq görülənləri təbrik edirəm".

Xalq artisti Nazpəri Dostəliyeva belə tədbirlərin ölkəmizdə keçirilməsindən məmnun olduğunu deyib: "Dörd ildir ki, ölkəmizdə bu təşkilat tərəfindən mükafatlandırma mərasimi keçirilir. Xarici ölkədə "qırmızı xalı" mərasimlərini görəndə düşünürdüm ki, niyə Azərbaycanda bu tipli tədbirlər keçirilmir? Bu kimi tədbirlərə görə qürur duymaq, sevinmək lazımdır".

Xalq artisti Fəxrəddin Manafov da mükafata görə təşkilatçılara təşəkkür edərək sənətinin fədayisi olduğunu deyib.

Qeyd edək ki, xalq artistləri Flora Kərimova, Faiq Ağayev, Nazpəri Dostəliyeva, Fəxrəddin Manafov, Amaliya Pənahova, müğənnilər Nadir Qafarzadə, Ramal İsrafilov, Səidə Sultan, Nura Suri, Niyam Səlami, yazıçı Varis Yolçuyev və idmançılar İlham Zəkiyev, Füzuli Musayev, Rəfael Ağayev, millət vəkilləri Fəzail Ağamalı, Jalə Əliyeva və başqaları mükafata layiq görülüblər.

Rəqsanə