500-ə yaxın tələbə köçürülmək üçün müraciət etdi - RƏSMİ

“Bu il ümumilikdə 497 nəfər köçürülmək üçün transfer.edu.az elektron portalına müraciət edib”.

Teleqraf.com xəbər verir ki, bu barədə Təhsil Nazirliyinin mətbuat xidmətinin rəhbəri Cəsarət Valehov məlumat verib.

Onun sözlərinə görə, həmin tələblərdən 307-si yerli, 122 tələbə isə xarici ali təhsil müəssisələrindən köçürülmək üçün sorğularını təsdiq ediblər: “307 tələbədən 230-u, 122 tələbədən isə 3-ü seçdikləri ali təhsil müəssisələrinə köçürülüb. Köçürülmək üçün ən çox müraciət olunan universitetlər Gəncə Dövlət Universiteti, Azərbaycan Dövlət İqtisad Universiteti, Bakı Dövlət Universiteti, Kooperasiya Universiteti, Azərbaycan Dillər Universitetidir”.

Cəsarət Valehov qeyd edib ki, köçürülmək istəyənlərin əksəriyyəti Azərbaycan Turizm və Menecment Universiteti, Azərbaycan Dövlət Pedaqoji Universiteti, Sumqayıt Dövlət Universiteti, Xəzər və Lənkəran Dövlət Universitetinin tələbələridir.

İlhamə ƏBÜLFƏT