Somali idmançıları tapıldı

"Daha öncə itmələri barədə məlumat verilmiş Somali idmançıları bu gün vətənlərinə yola salınıblar".

Teleqraf.com xəbər verir ki, bu barədə "Virtualaz.org"a Daxili Işlər Nazirliyindən məlumat verilib. Məlumata əsasən, Somali idmançıları yarışların bitməsindən dərhal sonra Azərbaycan rayonlarından birinə yollanmağa və orada istirahət etməyə qərar veriblər.

Nəticədə, idmançılar reyslərinə gecikiblər və ölkələrinin nümayəndə heyəti ilə birlikdə vətənlərinə qayıda bilməyiblər.

Lakin artıq bu gün DİN əməkdaşlarının müşayiəti ilə onlar hava limanına yola salınıb və oradan vətənlərinə yola düşüblər.