Qarabağ bölgəsində sayğaclarda problem?.. - “Azərişıq”

Qarabağ bölgəsində mənzillərə quraşdırdığı SMART sayğaclarının proqram təminatında problemlər yaranması məlumatı düzgün deyil.

Bunu Teleqraf.com-a açıqlamasında Azərişıq ASC-nin mətbuat xidmətinin rəhbəri Tanrıverdi Mustafayev deyib.

Onun sözlərinə görə, Ağcabədi Elektrik Şəbəkəsi elə bir məlumat verməyib: “Yayılan məlumatlar doğru deyil. Ödəmələrdə heç bir problem yoxdur. Ola bilər, bir abonetin sayğacında problem yaranıb. Bunu kütləvi şəkildə problemin baş verməsi kimi qeyd etmək düzgün deyil”.

Qeyd edək ki, mediada Ağcabədi, Beyləqan və Füzuli rayonlarının bir çox yaşayış məntəqələrində Azərişıq ASC-nin mənzillərə quraşdırdığı ödənişlərin SMART sayğaclarına problem yarandığı ilə bağlı məlumat yayılıb.