Leyla və Arzu Əliyeva Dendrologiya İnstitutunda

Heydər Əliyev Fondunun vitse-prezidenti, Ətraf Mühitin Mühafizəsi Naminə Beynəlxalq Dialoq İctimai Birliyinin (IDEA) təsisçisi və rəhbəri Leyla Əliyeva və Arzu Əliyeva AMEA-nın Dendrologiya İnstitutunda olublar.

AMEA-dan Teleqraf.com-a bildirilib ki, institutun direktoru, AMEA-nın müxbir üzvü Tofiq Məmmədov qonaqlara elmi müəssisənin tarixi, əldə etdiyi nailiyyətlər, aparılan elmi tədqiqat işləri, burada becərilən endemik və dünyanın müxtəlif ölkələrindən gətirilmiş ekzotik bitkilər, elmi nəşrlər və kitablar barədə məlumat verib.

Qonaqlar daha sonra institutun ərazisi ilə tanış olublar.