Qənirə Paşayeva səhhətindən danışdı

Hər birinizə keçirdiyim əməliyyatla bağlı zəngləriniz, mesajlarınız, dualarınız üçün minnətdaram.

Teleqraf.com xəbər verir ki, bunu özünün Feysbuk səhifəsində millət vəkili Qənirə Paşayeva yazıb:

“Hər iki əlimdə "karpal tunel sindromu" diaqnozu ilə əməliyyat keçirdiyim üçün və həkimlər bir neçə gün telefonla danışmağın, mesaj yazmağın əməliyyatdan dolayı mümkünsüzlüyünü söylədiklərindən ayrı-ayrılıqda zənglərinizə cavab verə, mesajlarınıza cavab yaza bilmədim.

Ailə üzvlərim imkanlar daxilində cavab verməyə çalışdılar. Hər birinizə minnətdaram”.

Millət vəkili bildirib ki, həkimlərin sözlərinə görə, təxminən 1 ay ərzində vəziyyəti düzələcək.

Qeyd edək ki, Qənirə Paşayeva qollarında meydana gələn karpal tünel narahatlığı səbəbilə Türkiyənin Memorial Şişli Xəstaxanasında əməliyyat olunub.