“Diqlas”dakı yanğından yeni xəbər - Nazirlik

“Diqlas” Ticarət Mərkəzində martın 26-da baş verən yanğın zamanı xəsarət alaraq 3 saylı şəhər Klinik Xəstəxanasına yerləşdirilən Fövqəladə Hallar Nazirliyinin əməkdaşı evə buraxılıb.

Bu barədə Səhiyyə Nazirliyindən bildirilib.

Qeyd olunub ki, əlindən xəsarət alan yaralıya tibbi yardım göstərilib.

Xatırladaq ki, martın 26-da Bakının Nizami rayonu, Qara Qarayev prospektinin 8-ci kilometr adlanan ərazisindəki “Diqlas” Ticarət Mərkəzində yanğın baş verib. Yanğında 12 nəfər xəsarət alıb./Report/