Ayaz Mütəllibov: "Mənim üçün çox çətindir..."- Yeni

“Çətindir, amma nə etmək olar, həyatın işidir...”.

Bunu Azərbaycanın sabiq prezidenti Ayaz Mütəllibov həyat yoldaşı Ədilə Mütəllibovanın dəfn mərasimində deyib.

“Bu, mənim üçün çox çətindir. Amma həyatın işidir, belə qiymətləndirmək lazımdır. Bizə dəstək verən hər kəsə təşəkkürümü bildirirəm” – deyə A.Mütəlibov qeyd edib.

17:13

Azərbaycanın keçmiş prezidenti Ayaz Mütəllibovun həyat yoldaşı Ədilə Mütəllibova dəfn edilib.

Mərhum Yasamal qəbiristanlığında oğlu Azad Mütəllibovun məzarının yanında torpağa tapşırılıb.

***

16:11

Bakının Təzəpir məscidində Azərbaycanın sabiq prezidenti Ayaz Mütəllibovun həyat yoldaşı Ədilə Mütəllibova ilə keçirilən vida mərasimi başa çatıb.

Mərhum Yasamal qəbiristanlığında oğlunun məzarı yanında dəfn olunacaq.

***

14:38

Azərbaycanın sabiq prezidenti Ayaz Mütəllibovun həyat yoldaşı Ədilə Mütəllibova ilə vida mərasimi keçirilir.

Teleqraf.com xəbər verir ki, Bakıda Təzəpir məscidində keçirilən mərasimdə mərhumun ailə üzvləri, ictimai-siyasi xadimlər iştirak edir.

Xatırladaq ki, Ə.Mütəllibova bugün 81 yaşında vəfat edib. Mərhum Yasamal qəbiristanlığında oğlunun məzarının yanında dəfn olunacaq.

***

13:04

Azərbaycanın 1-ci Prezidenti Ayaz Mütəllibovun həyat yoldaşı Ədilə Mütəllibova bu gün səhər saatlarında vəfat edib.

Teleqraf.com xəbər verir ki, eks-prezidentin xanımı uzun sürən xəstəlikdən sonra 81 yaşında vəfat edib.

Mərhum bu gün Yasamal qəbiristanlığında oğlunun məzarının yanında dəfn olunacaq.

Vida mərasimi Təzəpir məscidində keçiriləcək.

1938-ci ildə Bakı şəhərində anadan olan Ədilə Mütəllibova ixtisasca həkim idi.

Allah rəhmət eləsin!