Avtomobil almaq istəyənlərin nəzərinə! - Yeni dələduzluq

Azərbaycanda yeni növ dələduzluqla məşğul olanlar peyda olub.

Teleqraf.com-un məlumatına görə, onlar elan saytlarında avtomobilləri dəyərindən ucuz qiymətə satdıqlarını elan edirlər. Zəng edən müştərilərə isə maşını istəyənin çox olduğunu, tez almaq üçün isə behə ehtiyac duyulduğunu bildirirlər. Behi alandan sonra gözdən itirlər.

Vəkil Anar Ramazanov bu kimi hallara qarşı vətəndaşları diqqətli olmağa çağırıb. Bu hal dəlduzluq sayılsa da, məbləğ az olduğundan bunu edən şəxslərə qarşı cinayət işi açıla bilmir.

Bu halda aldadılan vətəndaş polisə məlumat verə bilər və bu zaman hər iki tərəfdən izahat alınacaq. Amma məsələnin həlli yolu yenə məhkəmədə olmalıdır.

Təcrübə isə göstərir ki, adətən tərəflər kiçik məbləğlərə görə heç məhəkəmələrə də müraciət etmirlər.