Narkomaniyaya qarşı müasir mübarizə metodları müzakirə olundu - Foto

Narkotizmlə Mübarizə İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Xaçmazda “Narkomaniyaya qarşı mübarizədə müasir metodlar” adlı tədbir həyata keçirmışdir.

Teleqraf.com-un məlumatına görə, tədbirin əsas məqsədi gənclər arasında narkomaniyanın yayılmasının qarşısını almağa çalışmaq, tanınmış şəxsləri, o cümlədən mədəniyyət xadimlərini narkomaniyaya qarşı mübarizə tədbirlərinə cəlb etməklə effektiv mübarizə metodu yaratmaq, narkomaniyaya qarşı mübarizədə daha geniş sosial qrupları əhatə etməsinə nail olmaqdır.

Tədbirdə bu sahə ilə bağlı mövcud qanunvericiliyin təbliği, narkomaniyaya qarşı mübarizə tədbirlərinin optimallaşdırılması problemləri barədə maarifləndirmə söhbətləri aparılmışdır. Regionlarda bu problemin daha çox ictimailəşdirilməsi, ona qarşı maarifləndirmənin gücləndirilməsi, gənclərin təlimatlandırılması layihənin qayəsini təşkil edir. Layihənin davamlılığı və iştirakçıların əlaqələndirilməsi üçün layihənin elektron (virtual) səhifəsinin yaradilması qərara alındı.

Tədbir iştirakçıları həmçinin Xaçmaz rayon icra hakimiyyətinin başçısı Şəmsəddin Xanbabayevlə görüşüb, narkomaniya və digər pis vərdişlərə qarşı mübarizənin davamlılığını müzakirə ediblər.