Snayperlərimiz yarımfinalda- Foto

“Beynəlxalq Ordu Oyunları - 2019” yarışları çərçivəsində keçirilən “Snayper həddi” müsabiqəsində iştirak edən snayperlərimiz yarımfinal mərhələsinə vəsiqə qazanıb.

Püşkatmanın nəticələrinə əsasən yarımfinal yarışlarına komandamız dördüncü qatılacaqdır.

Müdafiə Nazirliyindən Teleqraf.com-a verilən məlumata görə, növbəti mərhələyə hazırlıq dövründə komandalar atışların sıxlığı və sərrastlığına nail olmaq məqsədilə təhkim edilən silahlardan sınaq və sıfırlama atışları ediblər.