15 Dekabr 2019 08:05
711

Qidaların bədənimizə və sağlamlığımıza təsiri böyükdür.

Teleqraf.com xəbər verir ki, şəkər, zərərli yağlar, artıq duz, alkoqol və kofein tərkibli qidalar bədənimizdəki vacib zülalları məhv edə bilər. Bu vəziyyət bədənin və dərinin susuzlaşmasına səbəb olur.

Hər kəs şəkərin nə qədər zərərli olduğunu bilir. Kilo artımından qırışların meydana gəlməsinə qədər bir çox zərərli məqamları qeyd edə bilərik. Şəkərin çox olması qlikasiyaya səbəb olur. Bu proses bədəndəki zülalları və lipidləri zədələyir, qırışların inkişafına kömək edir.

Fəst fud, qızardılmış yağlar, marqarin, konservləşdirilmiş bu siyahıya daxildir. Trans yağlar ürək xəstəlikləri riskini artırmaqla yanaşı damarlarınızı da sərtləşdirir. Bu, dəridəki qan axını zəiflədərək vaxtından əvvəl yaşlanmaya səbəb olur.

Duz isə hüceyrələrin daralmasına, susuzluğa gətirib çıxarır. Bədən susuzlaşdıqda, dəri daha da qırışır və qocalır. Çoxları tərəfindən sevilən kolbasa, ləzzətli ət – çoxlu duz və konservantlardan ibarətdir.

Bundan əlavə, bu məhsullar bədəndə C vitamini miqdarını azaldır, bu da kollagenin əmələ gəlməsi üçün çox vacibdir.

Kofein bədənini susuzlaşdırır və nəm çatışmazlığına səbəb olur. Bunu həll etməyin sadə yolu var: istehlak etdiyiniz hər qəhvə üçün bir stəkan su için, bu, dərinizi nəmləndirir.

Acı qidalar qan damarlarını genişləndirir və dərinin vaxtından əvvəl qocalmasına səbəb olur. Ədviyyatların müntəzəm istehlakı allergik reaksiyalara, şişkinliyə və ya daimi qızartıya səbəb ola bilər.


Müəllif: Aysel Azad