Teledərslər bu gün başladı - Rəsmi açıqlama

Bu gündən başlayaraq həftənin 5 günü saat 10-dan 16-dək “Mədəniyyət” kanalında “Dərs vaxtı” adlı teledərslərə start verilib. Dərslərin ibtidai və yuxarı siniflər üçün həftənin hansı günlərində və saat necədə keçirilməsi barədə isə cədvəl açıqlanmayıb.

Bu isə narahatlıq yaradıb: şagirdlər hamısı saat 10:00-dan 16:00-dək televiziyanın qarşısında oturmalı və onlara aid teledərsin nə vaxt və hansı fənndən başladığını izləməlidirlərmi?

Təhsil Nazirliyinin mətbuat xidmətindən Teleqraf.com-a bildirilib ki, siniflər üzrə dərs bölgüləri və saatları barədə cədvəl bu gün açıqlanacaq.

Qeyd edək ki, ötən gün nazirlik ibtidai siniflər üçün həftənin 4 günü, 5-11-ci sinif şagirdləri üçün isə həftənin 2 günü “Azərbaycan dili”, “Riyaziyyat”, “Həyat bilgisi”, “Təsviri incəsənət”, “Xarici dil”, 5-11-ci siniflərdə isə “Azərbaycan dili”, “Riyaziyyat”, “Xarici dil”, “Tarix”, “Coğrafiya”, “Kimya”, “Fizika”, “Biologiya” fənləri üzrə “Mədəniyyət” kanalında qısa videodərslər təqdim ediləcəyi barədə məlumat yayıb.

***

Təhsil Nazirliyi siniflər üzrə dərs bölgüləri və saatları barədə cədvəli açıqlayıb.