“Mən azərbaycanlıyam” aksiyası Türkiyə mətbuatının diqqət mərkəzində

Teleqraf.com-un məlumatına görə, Anadolu” agentliyi də daxil olmaqla Türkiyənin aparıcı mətbuat və informasiya orqanları oktyabrın 11-də Bakıdakı Dövlət Bayrağı Meydanında “Mən azərbaycanlıyam” devizi ilə keçirilmiş aksiyadan ətraflı məlumat yaymaqda davam edir.

Məlumatlarda qeyd olunur ki, aksiya zamanı nəhəng Dövlət bayrağı təmtəraqlı şəkildə meydana gətirilib və qaldırılması meydandakı insanlar tərəfindən böyük sevgi və coşqu ilə qarşılanıb.

Mövzunu əhatə edən informasiyalara Dövlət Bayrağı Meydanının tikilməsi tarixi, ən nəhəng Azərbaycan bayrağının ölçüləri, onun paytaxtımıza verdiyi əzəmət barədə ifadələr və maraqlı fotolar da əlavə olunub.