İranlı jurnalistlər Azərbaycana səfər edəcəklər

İran İslam Respublikasında fəaliyyət göstərən bir sıra elektron və yazılı mətbuat orqanlarının nümayəndələrindən ibarət heyət bu gün - oktyabrın 15-də Bakıya səfər edəcək.

Teleqraf.com-un məlumatına görə, səfərin məqsədi Azərbaycan-İran münasibətlərinin inkişafında mətbuatın rolunun gücləndirilməsidir.

Oktyabrın 17-dək davam edəcək səfər çərçivəsində iranlı jurnalistlərin Azərbaycanın media strukturlarının rəhbərləri ilə və rəsmi şəxslərlə görüşləri nəzərdə tutulub. Qonaqlar bir neçə media qurumunda iş prosesi ilə də maraqlanacaqlar.