Rəmiş koronavirusdan ölüb - Rəsmi açıqlama

Səhiyyə Nazirliyi ötən gün vəfat edən Xalq artisti Rafiq Hüseynovun (Rəmiş) ölüm səbəbini açıqlayıb.

Səhiyyə Nazirliyindən Teleqraf.com-a verilən məlumata görə, sənətkar koronavirus infeksiyası səbəbindən dünyasını dəyişib: “Bakı Sağlamlıq Mərkəzinin icraçı direktoru Asiman Həsənovun Səhiyyə Nazirliyinə verdiyi məlumata görə, qaraciyər və ağciyərlərinin xroniki xəstəliklərindən əziyyət çəkən xalq artisti koronavirusdan dünyasını dəyişib”.

Xatırladaq ki, mərhumun xanımı Gülü Hüseynova bugünkü açıqlamasında özünün və həyat yoldaşının koronavirusa yoluxmadığını söyləmişdi.