"Dünya sənətkarlarından yalnız Nizaminin Rusiyada iki heykəli var"

Rus mədəniytətinə aid olmayan heç bir görkəmli yazıçıya, şairə Rusiyanın iki şəhərində abidə ucaldımayıb. Nizami Gəncəvi istisnadır. Ona Rusiyada 2 yerdə - Moskvada və Sank-Peterburqda heykəl qoyulub. Həmin heykəlləri qoyanda elə də asan dövr deyildi. Lakin Nizami Gəncəvi bu şəhərlərdə adının əbədiləşdirilməsinə layiqdir.

Teleqraf.com xəbər verir ki, bunu Rusiya Federasiyası Prezidentinin Beynəlxalq mədəni əməkdaşlıq üzrə xüsusi nümayəndəsi Mixail Şvıdkoy “Nizami Gəncəvi: Mədəniyyətlər Arasında Körpü” mövzusunda keçirilən Beynəlxalq Forumda deyib.

O qeyd edib ki, Nizami Gəncəvi Mərkəzi Asiyada xalqları, qəbilələri birləşdirib:

"Mən iki mütəfəkkiri qeyd edə bilərəm ki, onlar heç vaxt yaşadığı ərazini tərk etməmişdilər. Bunlardan biri Nizami Gəncəvi, digəri isə Kantdır. Onlar anlayırdılar ki, insanın vicdanı onun başı üstündə duran Allahdır. Nizami Gəncəvi islam dünyasında maarifləndirmə işığını özündə təcəssüm etdirib. Bu işıq bu günə qədər bizim üzərimizdədir”.