Xocalı, Daşkəsən və Tovuza yeni prokurorlar təyin edildi

Xocalı Rayon Prokuroru Şahin İmanov vəzifəsindən azad edilib.

Teleqraf.com xəbər verir ki, bununla bağlı Baş prokuror Kamran Əliyev əmr imzalayıb.

Əmrə əsasən, Ş.İmanov Daşkəsən Rayon Prokuroru təyin olunub.

K.Əliyevin digər əmrləri ilə Daşkəsən Rayon Prokuroru Marif Hüseynov tutduğu vəzifədən azad olunaraq Tovuz Rayon Prokuroru təyin edilib.

Xocalı Rayon Prokuroru vəzifəsinə isə Baş Prokuror yanında Korrupsiyaya qarşı Mübarizə Baş İdarəsinin İstintaq idarəsinin mühüm işlər üzrə böyük müstəntiqi Əvəz Əliyev təyin edilib.